25.01.2004 அன்று கர்நாடகா கவுண்டர் சேவை சங்கம், பெங்களூர் அணைத்து கொங்கு இயக்கங்களையும், சமுதாய பெரியோர்களையும் அழைத்து ஒரு கருத்தாய்வு நடத்தியது. இக்கூட்டத்தின் முடிவில், கலந்து கொண்ட பெருமான்மையோரின் விருப்பத்திர்க்கு இணங்க, அனைத்து கொங்கு இயக்கங்களையும் ஒன்றிணைத்து கூட்டமைப்பு ஒன்றை உருவாக்குவது என தீர்மானிக்கப்பட்டது. பெங்களூர் கூட்டத்தினை தொடர்ந்து அன்று தமிழகத்தின் பல்வேறு பகுதிகளில் இயங்கிவரும் கொங்கு இயக்கங்களையும் அழைத்து சென்னை கொங்கு நண்பர்கள் சங்கத்தின் சார்பில் கலந்தாய்வு கூட்டம் நடந்தது. இக்கூட்டத்தில் கொங்கு சமுதாயத்தின் முன்னேற்றத்திற்காக அரசியல் சார்பின்றி, உலகளாவிய நிலையில் ஆங்காங்கு இயங்கிவரும் கொங்கு வெள்ளாளர் சமுதாய அமைப்புகள் அனைத்தையும் ஒருங்கிணைந்து செயல்பட வேண்டும் என்ற முடிவிற்குஏற்ப கொங்கு வெள்ளாளர் சங்கங்கள் கூட்டமைப்பு உருபெற்று தொடங்கப்பட்டது, தொடங்கியவுடன் சங்கங்கள் உறுப்பினராக பதிவு செய்து தொடங்கிய கூட்டமைப்பு இன்றளவில் 28 சங்கங்களை உள்ளடக்கிய முக்கிய இயக்கமாக கொங்கு சமுதயாத்தின் முன்னேற்றத்திற்கு தொடர்ந்து பாடுபட்டுவருகிறது.
கூட்டமைப்பின் தலைவராக, சென்னைகொங்கு நண்பர்கள் சங்கத்தின் தலைவராக சிறப்பாக பணியாற்றிய திரு. கே.சி. காளியண்ணன் அவர்கள் ஒருமனதாக தேர்ந்தெடுக்கப்பட்டார்.
கொங்கு வேளாளர்கள் அல்லது கொங்கு வேளிர்கள் தமிழ்நாட்டின் மேற்கு மாவட்டங்களான கொங்கு நாட்டுப் பகுதிகளில் பெருமளவில் உள்ளனர். பொதுவில் இவர்களைக் கவுண்டர் என்றும் அழைப்பர்.
